Një qendër rehabilitimi për njerëzit që janë të “fiksuar” pas internetit. Risia e çuditshme vjen në kryeqytetin e Italisë Romë dhe me t’u hapur, që tani i ka 300 “pacientët” e parë. Dhe këta qëndrojnë në internet deri në 18 orë për çdo ditë.

Poliklinika “Gemelli” në Romë thotë se ka hapur atë që e quan ambulancën për rehabilitim të të prekurve nga virusi i qëndrimit të tejzgjatur online.

Mosha nën 30 vjeç është dominuese dhe psikiatrët që po i mbajnë nën kontroll dhe kurë, thonë se për vetë qëndrimin kohë pa kohë në internet, kanë humbur sensin e kohës.

Psikiatrja Lisa Allegretti vëren se për më tepër, shumë prej njerëzve janë ndarë nga takimet fizike me të afërm dhe miq dhe janë zhytur në botën virtuale duke humbur kontaktet me realitetin.

Disa nga 300 të regjistruarit e parë në këtë klinikë kanë treguar raste nga më ekstremet të të humburit të sensit të kohës dhe përballjes me realitetin.

Ndaj edhe në rastin e qëndrimit online, vlen ajo shprehja e famshme e popullit tonë: Gjella me kripë, por kripa me karar.