Festime madhështore kanë shoqëruar natën e ndërrimit të viteve në të gjithë botën, spektakle fishekzjarrësh kanë ndezur atmosferën për miliona njerëz që kanë pritur 2012 në sheshet më të famshme të globit. Mijëra njerëz përshëndetën ardhjen e vitit të ri në Zelandën e Re, atje ku vitet ndërrohen së pari. Ndërtesa më e lartë e Skaj Touver dha spektaklin e parë.

Ouklend është qyteti i parë i madh në botë ku vjen viti i ri. Kulla Eifel në Paris shkëlqeu si gjithmonë në festimet e Viti të ri. Parizienët dhe turistë të shumtë kishin mbushur sheshet, pavarësisht motit me shi. Londra e përshëndeti ardhjen e 2012 me një spektakël marramendës fishekzjarrësh, në London Aj. E gjitha kjo pasi Big Beni shënoi mesnatën, një nga shfaqjet më të bukura në vitet e fundit. Një pritje madhështore i dhuruan 2012 njujorkezët në Tajme Skuer, edhe pse nën masa të forta sigurie. Nju Jorku i dha lamtumirën një viti të trishtuar që shënoi 10 vjetorin e sulmeve të 11 shtatorit. Fishekzjarrët mbushën qiellin në mesnatë, ndërsa karamele ranë mbi festuesit në Midtoën Menheten Skuer ndërkohë që sfera gjigante e kristaltë u rrokullis në minutën e fundit të 2011, një traditë që zgjat prej 1907-ës. Festime madhështore janë zhvilluar edhe në kryeqytete të tjera të botës, në Moskë, Pekin, apo qytete si Shangai apo Las Vegas