Lideri i LSDM-së Branko Cërvenkovski në fjalimin e sivjetmë të Vitit të Ri vlerëson se viti që po kalon ka qenë i vështirë dhe në të shumë persona kanë luftuar kundër varfërisë, rrogave të ulëta dhe pensioneve

Cërvenkovski vëren se në vitin e kaluar varfëria dhe papunësia kanë arritur nivel rekord, ndërsa premtimet për investime të reja dhe vende të reja pune nuk janë realizuar". Sipas tij, Maqedonia është bërë shtet në të cilin mbisundon frika, e jo liria, demokracia dhe drejtësia. Të gjithë rreth nesh, thekson Cërvenkovski, kanë bërë hap shumë të madh në integrimet drejt NATO-s dhe BE-së, ndërsa vetëm Maqedonia është atje ku ishte edhe para pesë vjetëve. Duke ua uruar festat e fundvitit qytetarëve, ai theksoi se problemet mund të zgjidhen, ndërsa gjendja të përmirësohet.