Gratë në Arabinë Saudite do të mund të kandidohen dhe të votojnë në zgjedhjet komunale në vitin 2015 pa leje të burrit kujdestar, publikoi një përfaqësues i lartë saudit.

Anëtari i Këshillit konsultativ (Shura) Fahad al Anzi tha se mbreti saudit veçmë ka dhënë leje për ndryshimin, publikoi sot gazeta shtetërore “A Vatan”.

Mbreti Abdullah nxiti disa ndryshime në të drejtat e grave, duke pasur kujdes që të mos i provokojë liderët shpirtëror ultrakonservativë, të cilët edhe më herët i kundërshtonin reformat sociale.

Edhe krahas këtyre ndryshimeve të reja, gratë në Arabinë Saudite ende nuk mund të udhëtojnë, punojnë, të mësojnë në vendet e huaja, të martohen, divorcohen dhe madje edhe të pranohen në spital shtetëror pa leje të burrit kujdestar.

Këshilli konsulent saudit nuk ka kompetenca ligjdhënëse, ndërsa përbërja e tij është tërësisht e formuar nga burra.