Shtyhen zgjedhjet e jashtëzakonshme parlamentare në Greqi me qëllim që qeverisë së tanishme të përkohshme t’i lejohet më shumë hapësirë dhe kohë për zbatimin e reformave.

Kur në nëntor u formua qeveria në krye me Likas Papadhimos, ishin dakorduar që zgjedhjet e jashtëzakonshme parlamentare të mbahen në 19 shkurt. Megjithatë, pas takimit të sotëm me kryeministrin Papadhimos, lideri i Demokracisë së Re opozitare, Andonis Samaras, theksoi se nuk do të insistojë që zgjedhjet të mbahen kah mesi i shkurtit, me qëllim që qeverisë transitore t’i jepet kohë dhe rast që ta nxjerrë vendin nga kriza e borxheve.