Afati kalimtar siç duket do të jetë dëshpërues për fansat e Shkëndijës. Pas largimit të Ferhan Hasanit në Wolfsburg si dhe kthimi i Mensur Kurtishit në Austri, nga ekipi “kuqezi” siç duket do të ikin edhe Ardian Cuculi dhe Ersen Sali.

Sipas burimeve të gazetës “Zhurnal Plus”, sulmuesi shkupjan Sali, pritet që karrierën të vazhdoj në Gjermani, pasi për të është i interesuar ekipi që luan në ligën e dytë Duiszburgi si dhe Dinamo Drezdeni.

Ai pritet këto ditë të udhëtoj në Gjermani, ku edhe do të filloj bisedimet me ekipet gjermane. Ndryshe, për të janë të interesuara edhe disa klube nga Ballkani. Ndryshe, këto largime kanë ndikuar që drejtuesit e Shkëndijës të mendojnë për përforcime. Pritet që pas vitit të ri trajneri i klubit Nexhat Shabani të publikoj edhe emrat që do ti zëvendësonin këta lojtar.