Basel, 20 dhjetor - Ylli kosovar i Baselit, Xherdan Shaqiri (169 cm), është lojtari që ka më së shumti nofka në Superligën e Zvicrës, shkruan "Blick" të hënën. Shaqiri 20-vjeçar insiston se pavarësisht nofkave të shumta, asnjëherë nuk i mbetet hatri kur të tjerët e thërrasin me to. Ai ka thënë se është i fokusuar në lojën e tij, kurse me nofkat thotë le të merren të tjerët.

Basel, 20 dhjetor - Ylli kosovar i Baselit, Xherdan Shaqiri (169 cm), është lojtari që ka më së shumti nofka në Superligën e Zvicrës, shkruan "Blick" të hënën. Shaqiri 20-vjeçar insiston se pavarësisht nofkave të shumta, asnjëherë nuk i mbetet hatri kur të tjerët e thërrasin me to. Ai ka thënë se është i fokusuar në lojën e tij, kurse me nofkat thotë le të merren të tjerët.

"Shaq Attack" e "Xhuxhi Magjik" janë ndër nofkat më të shpeshta që përdoren nga mediat dhe lojtarët, kur flasin për të.

"Unë kam marrë shumë nofka nga mediat e huaja. Kjo aspak nuk më ka penguar, pasi për mua shumë pak ka rëndësi se si më quajnë. Rëndësi për mua ka loja ime që bëj dhe sukseset e mia dhe të ekipit", ka deklaruar të hënën Shaqiri për versionin online të gazetës "Blick".

Bashkëlojtari i tij te Baseli, Alex Frei, pas njërës prej ndeshjeve të Superligës së Zvicrës, në dhomën e zhveshjes, me buzëqeshje dhe dashuri për shkak të trupit të tij të vogël, e pati quajtur atë "Vocërrak".

Mesfushori nga Gjilani te Baseli debutoi stinorin e shkuar. Me këtë skuadër ka fituar dy herë titullin e kampionit dhe një Kupë të Zvicrës. Këtë vit me Baselin ka arritur në 1/8 e finales të Ligës së Kampionëve, ku do të përballet me gjigantin gjerman, Bayern Munchen. Në 18 ndeshje të zhvilluara këtë edicion ka shënuar katër gola. Ai po kërkohet nga shumë klube të mëdha evropiane. Çmimi që i ka vënë Baseli sillet rreth 13 milionë euro. Me Baselin ka kontratë deri në verën e vitit 2014, shkruan sot “Koha Ditore”.