Mikhail Gorbaçov, udhëheqësi i fundit sovjetik, i ka bërë thirrje kryeministrit rus Vladimir Putin, të ndjekë shembullin e tij dhe të japë dorëheqje.

 Duke folur në një intervistë në radion, Moskvy Echo, Gorbaçov tha se në qoftë se Putini plotëson kërkesat e protestuesve dhe largohet tani, ai do të mbahet mend për gjëra pozitive që bëri gjatë 12 viteve të tij në pushtet. Vërejtjet e Gorbaçovit erdhën pasi dhjetëra mijëra njerëz dolën në rrugë në Moskë dhe qytete të tjera ruse të shtunën në protestat më të mëdha deri tani kundër mashtrimit të dyshuar në zgjedhjet parlamentare të 4 dhjetorit.