Komuna e Tetovës ka pranuar që mjetet kreditore të parapara nga banka Evropiane për Rindërtim dhe Zhvilim (BERZH) ti ridestinojë për ndërtimin e ujësjellësit, por kërkojnë nga Ministria e Transportit dhe lidhjeve sqarim lidhur me firmën që duhet të realizoj punimet.

“Pavarësisht nga e tërë kjo situatë dhe diskriminim i skajshëm kryetari i Komunës së Tetovës, Sadi Bexheti, për të mirën e qytetarëve ka rënë dakord që këto mjete kreditore dhe jo buxhetore t’i shfrytëzojë për ndërtimin e ujësjellësit. Por, edhe pas kësaj Ministria e Transportit nxjerrë probleme të tjera duke mos u pajtuar që kontraktuesi i njëjtë të vazhdojë punët. Kërkojmë përgjigje nga MTL, se çka duhet bërë me kontraktuesin e punëve të ujësjellësit me të cilin tashmë kemi lidhur kontratë në bazë të udhëzimeve të ministrisë”, deklaroi Flakran Pustina, zëdhënës i Komunës së Tetovës.
Nga Komuna e Tetovës aplikimin për marrjen e mjeteve nga Banka Evropiane për rindërtim dhe zhvillim e kushtëzojnë me miratimin e kërkesës që punët ndërtimore ti vazhdoj kontraktuesit aktual.
“Nëqoftëse Ministria lejon që kontraktuesi të vazhdojë punimet Komuna e Tetovës është e gatshme menjëherë që të aplikojë për këtë kredi në Bankën Evropiane dhe ti dedikojë për ndërtimin e ujësjellësit në qytet”, tha Flakran Pustina, zëdhënës i Komunës së Tetovës.
Ndryshe nga Komuna paralajmërojnë se nëse do të ketë kontraktues të ri, atëherë nuk përjashtohet mundësia që kontraktuesi aktual të bllokoj punimet për shkak të ekzistimit të kontratës për realizimin e punimeve