Paraburgimi për të akuzuarit në rastin “Merimanga” të zëvendësohet me një masë më të lehtë të sigurisë.

Kështu ka kërkuar LSDM-ja opozitare në protestën e organizuar para burgut të Shutkës me rastin e njëvjetorit të  arrestimit të Velija Ramkovskit dhe bashkëpunëtorëve të tij nga televizioni A1 dhe firmave tjera në rrugën Pero Nakov. Klubi i grave të LSDM-së akuzojnë institucionet se ndaj të paraburgosurve po zhvillojnë politikë çnjerëzore, selektive dhe hakmarrëse.  
“Për të kuptuar se sa serioze është kjo punë unë  dua t’ju them se një prej 8 të burgosurve e  kanë dërguar nga  qelia në sallën e operacionit. E operuan nga tumori edhe  imagjinoi, në këtë gjendje ai është i kthyer përsëri në qelli. Kjo është e trishtueshme”, u shpreh  Lençe Nikollovska  LSDM.
“Drejtësia selektive dhe sjellja çnjerëzore e qeverisë i dënon  më shumë të vegjlit . Qeveria, paraburgimin  e shfrytëzon  jo si mjet  për të siguruar fakte, e  përdor për hakmarrje të personave që nuk mendojnë si ajo”, tha Cvetanka Llaskova.
Në mesin e protestuesve ishin dhe bashkëshortet e Darko Perushevski dhe Velija Ramkovski. Mazes Ramkovska dhe Cveta Perushevska të cilat me lot në sy kërkuan që të afërmit të tyre të lëshohen në liri. 
“Ky fëmijë ishte  vetëm 2 vjeç kur nëna e tij u arrestua. Në mbrëmje ishin së bashku, ndërsa në mëngjes nënën ia morën . Për mua është e qartë gjithçka, motivi dhe qëllimi por   kush do ti jep shpjegim fëmijëve përse nëna e tyre nuk është me ta”, deklaroi Mazes Ramkovska, bashkëshorte e Velija Ramkovskit.
“Vërtet një vit në paraburgim është shumë për gjithë ne. Një vit pa pasur mundësi për tu takuar të dy vajzat njëra 8 dhe tjetra 2 vjeç është vërtet shumë”, u shpreh  Cveta  Perushevska.
Ne gjykatën  themelore Shkipi 1 edhe më tej vazhdon procesi gjyqësore për te akuzuarit ne rastin “Merimanga” ku në bankën e te akuzuarve gjenden ish pronari i televizionit A1, Velija Ramkovski  dhe 22 persona tjerë, te akuzuar të gjithë për larje te parave, keqpërdorim te detyrës zyrtare si dhe fshehje te tatimit.