Pas transferimit të Ferhan Hasani- Buba në bundesligën gjermane, gjegjësisht në Wolfsburg, trajneri i skuadrës së Shkëndijës del me deklaratën e parë në lidhje me transferimin e tij.

Tashmë dihet se transferimi i Bubës ka bërë të flitet në të gjitha vendet ku jetojnë Shqiptar si dhe në vende tjera. Ferhan Hasani është lojtar i dytë Shqiptar nga liga e Maqedonisë që pas Besart Ibrahimit që bën transfer në bundesligë, me një shumë afro 700 mijë euro.

Pas gati 1 javë, në lidhje me këtë transfer është prononcuar edhe tekniku i Shkëndijës, Nexhat Shabani, i cili beson se Buba do të arrijë të gjejë një vend në formacionin e Wolfsburgut, dhe se atje do të tregojë edhe më tepër talentin e tij.

“Normale që do ti duhet një kohë që të adoptohet në mjedisin e ri, por kam besim se do të tejkalojë shpejt këtë. Me të vërtetë Buba ka një talent tejet të lartë, në të cilën mund të tregojë edhe në shtetet tjera. Gjermanija është destinacioni më i mirë për të, dhe besoj se së shpejti do të tregoj kualitetin e tij, dhe nuk do të ishe surprizë në qoftë se e shohim atë në formacionin e parë në skuadrën e Wolfsburgut”, - deklaroi Nexhat Shabani, trajneri i skuadrës së Shkëndijës.