Anëtarë i Kryesisë Qendrore të Bashkimit Demokratik për Integrim (BDI), Blerim Bexheti të enjten, në një konferencë për shtyp, kumtoi edhe njëherë fitoren e BDI-së në zgjedhjet e jashtëzakonshme në Komunën e Sarajit mbajtur më 18 dhjetor.

“Zgjedhjet e së dielës kaluan në një atmosferë të qetë dhe demokratike. Edhe fushata parazgjedhore por edhe dita e mbajtjes së zgjedhjeve ishin një festë e madhe për gjithë qytetarët e Komunës së Sarajit, sepse ata lirshëm, pa asnjë shtypje dhe në mënyrë demokratike dhanë votën e tyre për kandidatin më të mire, mbështetën BDI-në në krye me liderin Ali Ahmeti”, deklaroi Bexheti.

Ai tha se, çdo herë kur partia të cilës i takon ai është në pushtet, në Maqedoni mbahen zgjedhje të lira dhe demokratike, sipas standardeve ndërkombëtare.

“Dita e votimit dëshmoi se akuzat e PDSH-së për vjedhje votash janë me qëllim të defokusimit të opinionit nga humbja që pësoi koalicioni i sapoformuar opozitar në ballafaqimin e tyre të parë në zgjedhje të lira dhe demokratike. Këtë mund ta dëshmojnë edhe vetë funksionarët e PDSH-së të cilët në ditën e votimit kanë qenë nëpër vendvotime ku kanë vërejtur se nuk ka pasur parregullsi. Të dielën edhe njëherë PDSH e Menduh Thaçit së bashku me partnerin e tij pësuan humbje. Të nderuar përfaqësues te medieve , në  çdo garë, por edhe në garë politike pas çdo humbje përgjegjësia i bjenë liderit, kësaj radhe Menduh Thaçit”, shtoi Bexheti. 

Sipas tij, rezultati i së dielës tregoi se BDI ka mbështetjen e elektoratit dhe grumbulloi gati se dyfish vota më shumë se sa koalicioni opozitarë