Në Qeverinë e Maqedonisë sot u nënshkrua marrëveshje për realizimin e investimit të kompanisë gjermane ‘Kromberg dhe Shumbert Gmbh”, e cila do të mundësoj mbi 2000 punësime në zonën e Maqedonisë Lindore.

Marrëveshja u nënshkrua midis ministrit për tërheqjen e investimeve Vele Samak dhe përfaqësuesve të kësaj kompanie, Volfgang Tupi dhe Sai Zaguani. 

“Kromberg dhe Shubert” është kompani gjermane në industrinë e automobilave, e cila prodhon kabllo, instalime dhe teknologji plastike. 

Ministri për investime të huaja, Samak theksoi se me këtë investim po hapet një faqe e re për rajonin e Manastirit dhe Prilepit. 

Kryeministri Nikolla Gruevski theksoi se me këtë investim fillimisht hapen 400 vende të reja të punës, ndërsa për pesë vite priten mbi 2 mijë punësime. 

Ai premtoi se Qeveria do të vazhdojë me tërheqjen e investimeve të huaja dhe projekteve konkrete zhvillimore për rritjen e punësimeve. (INA)