KK Forca nga Shkupi ka marrë pjesë në një turne ndërkombëtar të karatesë në Elbasan të Shqipërisë. Në “Elbasani Open 2011” kanë garuar pesë karateistë, ndërsa janë kthyer me tetë medalje, prej tyre shtatë të arta, një të bronztë dhe një kupë.

Abdurahim Idrizi edhe njëherë ka fituar vendin e parë në konkurrencën e tij 10-11 vjeç në disiplinën kate dhe kumite, duke u shpallur kareteisti më i mirë i turneut. Atij në fund iu dha një kupër nga organizorët.

Vendet e para poashtu i fituan: Sajra Morina (10-11 vjeç) dhe Jusra Ademi (7-8 vjeç) në disiplinat kate dhe kumite për femra, Usame Bajrami (-40kg) në kategorinë deri më 11 vjeç u stolis me medalje të artë. Ndërsa Kastriot Rulani (10-11 vjeç, +45kg) në konkurrencën me peshë më të madhe fitoi medaljen e bronztë.