Supermodelja Claudia Schiffer e ka gjetur veten në telashe ditët e fundit, për shkak të pretendimeve të një biznesmeni rus për atësinë e vajzës së saj.

azeta gjermane “Bild” shkruan se Aleksander Gavrilov i ka kërkuar gjykatës në Tscheboksary të detyrojë supermodelen ta dërgojë të bijën për t’i nënshtruar testit të atësisë.

“Dua të marr pjesë në rritjen e fëmijës”, është shprehur ai në kërkesën që i ka bërë gjykatës.

Por gjykata është shprehur se për shkak se Schiffer jeton në Britaninë e Madhe, çdo pretendim ndaj saj duhet të kalojë nëpërmjet sistemit të drejtësisë së këtij vendi.

Ndërkohë, bukuroshja gjermane me sy blu, fytyra e të cilës është stampuar në mbi 500 kopertina revistash anembanë botës, e ka mohuar në mënyrë kategorike pretendimin e biznesmenit rus, duke u shprehur se nuk ka dëgjuar kurrë për burrin nga Rusia e largët. Një prej përfaqësuesve të supermodeles u shpreh se kjo është një histori e çmendur dhe pa kuptim.