Reperi i njohur amerikan, DMX, e ka konfirmuar datën e koncertit që do të mbahet në Prishtinë më 23 janar.

Pas shumë dilemave dhe ndrrimeve të shpeshta të datës, përfundimisht dhe vet reperi ka konfirmuar në faqen e tij zyrtare datën e koncertit të madh që do të mbahet më 23 janar dhe për të cilin Telegrafi tashmë ka siguruar të drejtat ekskluzive si sponsor.

Nga ana tjetër, për konfirmimin e datës u shpreh dhe Ardin Badivuku, tashmë drejtori i njohur i kompanisë NextLevel, i cili më shumë se për sukseset e tij personale, preferon të flasë për sukseset në rang ndërkombëtar të Kosovës.

“Vërtet tashmë mund të fillojnë përgatitjet për koncertin e madh të 23 janarit. Siç mund ta shohin edhe vet fansat, Prishtina është konfirmuar në faqen zyrtare të DMX. Konfirmimi i datës nuk është aq i rëndësishëm, sa promovimi i Kosovës në rrafshin ndërkomëtar. Kosova non-stop është duke u promovuar si shtet i ri nga agjentët e top agjensive të artistëve. Ndihem krenar për këtë”, theksoi Ardini për Telegrafin.

DMX konsiderohet si një prej reperëve më të mirë të të gjitha kohërave krahas legjendave si Tupac, Biggie Smalls, Ice Cube dhe Eminem. Hitet më të njohura të tij janë “Party Up”, “Where Da Hood At”, “The Rain”, “Get It On The Floor” dhe “Lord Give Me A Sign”.