Koncerti i fundit i Tunës është anulluar për shkak të një problem që ka ndodhur në lokalin ku do të këndonte artistja. Ajo vetë ka qenë e shqetësuar për atë që ka ndodhur një natë më parë duke publikuar në statusin e saj në Facebook edhe një opinion të sajin në të cilin kërkonte mbështetjen e fansave, për të evituar këto ngjarje të pakëndshme.

Policia ka ardhur në mesnatë dhe ka mbyllur lokalin, pasi kishte kaluar orari i lejuar nga auroritetet vendore, për të evituar zhurmat. Andy Gramm ka shkruar në FaceBook se nata ka qenë e paparë, por gjithçka është ndërprerë nga policia.

Ndërkaq Tuna ka paralajmëruar se në datën 17 dhjetor do të promovojë këngën dhe videoklipin më të ri, një bashkëpunim me reperin e famshëm shqiptar Noizy-n. Nga sa ajo ka njoftuar në faqen e saj në rrjetin social thuhet se titulli i këngës do të jetë “Bebi i vitit të ri”.