PDSH dhe RDK kanë bojkotuar sot seancën në kuvendin e Maqedonisë në të cilën kryetari i shtetit Gjorgji Ivanov ka mbajtur fjalim vjetor.

Sipas RDK-së si shkak për këtë është roli pasiv i kryetarit të shtetit Ivanov në proceset integruese euroatlantike të Maqedonisë. Në RDK janë të pakënaqur edhe për shkak se Ivanov edhe pse në fjalimin e tij ka lexuar mbi 5 faqe ai vetëm me 3 fjali ka permendur Marrëveshjen e Ohrit gjë që tregon se ai nuk është i interesuar për shqiptarët.

Kurse nga PDSH si shkak për bojkotimin kanë përmendur se presidenti Ivanov nuk është president i shqiptarëve pasi ai nuk ka marrë votat e shqiptarëve.