Mihrije Braha, e cila ka vetëm një djalë adoleshent që quhet Plator, ka pohuar se sikur të kishte një vajzë ajo do ta quante Ikena.

Këngëtarja kosovare ka zbuluar se Ikena në fakt është emri të cilin Platori ia ka zgjedhur motrës së tij ‘imagjinare’.

“Aq shpesh e kemi biseduar këtë gjë, saqë dikur Platori i ka gjetur edhe emrin, Ikena”, ka thënë këngëtarja.

Veç tjerash, ajo ka thënë se shpesh e merr malli për të kryer punët shtëpisë, ndërsa pas angazhimeve të lodhshme preferon të relaksohet vetëm duke shikuar filma.

“Në fakt, më merr malli për punët e shtëpisë. Kur jam pushim, sillem si e sëmurë, rri gjithë ditën në shtëpi, nuk dua të dal as për të blerë bukë, dua të relaksohem duke parë filma në shtëpi”, ka shtuar Mihrija.