Deputeti i lëvizjes politike ‘Vetëvendosja’ Albin Kurti gjatë një ore leksioni të mbajtur në një universitet privat në Tiranë deklaroi se shumica e shqiptarëve që jetojnë brenda dhe jashtë territorit të Shqipërisë ndjehen të pafuqishëm për të ndryshuar gjendjen e tyre sociale-ekonomike dhe politike ndonëse janë të pakënaqur me realitetin ku jetojnë.

Në këtë leksion ndër të tjera Kurti u shpreh se pafuqishmëria e shqiptarëve po shfrytëzohej nga klasa që sundon. Deputeti kosovar para studentëve të këtij universiteti ka shpjeguar edhe filozofinë e punës së lëvizjes së “Vetëvendosje”, ndërsa ka folur edhe mbi zhvillimet brendshme në Kosovë që sipas tij ka diktuar edhe qëndrimin e Vetëvendosjes si lëvizje dhe jo si parti politike.