iPhone 4S mbërrin dhe në dyqanet shqiptare. Megjithëse ishte deklaruar që kushdo do ta blinte më 11 nëntor, kjo datë u shty me 10 ditë. Çmimi me të cilin ky celular është në shitje momentalisht është: iPhone 4S, 16 GB = 659 euro (rreth 92 260 lekë), 32 GB = 779 euro (rreth 109 060 lekë) dhe 64 GB = 899 euro (rreth 113 260 lekë). Këto çmime janë të caktuara nga vetë kompania Apple për të gjithë Evropën.

Çmimi duket se është pak i lartë për xhepat e shqiptarëve, duke qenë se standardi i vendeve të tjera evropiane është më i lartë se yni. Gjithsesi, për të apasionuarit e teknologjisë, ka shumë mundësi që kjo mos të jetë një barrierë.

Edhe pse duhet thënë se shumë prej tyre e kanë tashmë në dorë një telefon të tillë pasi nuk kanë pritur deri sa të mbërrijë iPhone 4S në Tiranë por e kanë blerë me anë të porosive në internet.