Edhe pse institucionet ekonomike ndërkombëtare për vitin 2012 parashohin rritje në Maqedoni për vetëm 2.5 për qind, zëvendës kryeministri dhe ministri i financave Zoran Stavrevski, ende shpreson se rritja do të shkojë në 4.5 për qind. Ai ka thënë se në vitin 2011 u realizua rritje ekonomike më e madhe nga e projektuara, prandaj mund edhe vitin e ardhshëm të realizohet rritje prej 4.5 për qind.

"Kuptohet, se në ditën e sotme të gjithë bartësit e politikës ekonomike duhet të potencojnë se ekzistojnë rreziqe për rritjen ekonomike. Kjo është ekonomia evropiane dhe varet nga ajo nëse në vendet e zhvilluara do të gjenden zgjidhje të duhura për krizën debitore. Pritjet tona janë se ekonomia e Maqedonisë me mbështetjen që e ka nga buxheti, përmes investimeve të kapitalit dhe me mbështetje të drejtpërdrejtë prej 150 milionë euro nga Banka evropiane investuese për përkrahjen e ndërmarrjeve të vogla dhe të mesme, mund ta dorëzojë rritjen e parashikuar ekonomike", deklaroi Stavreski.

Në pyetjen nëse pritet ribalanc i Buxhetit për vitin 2012, zëvendëskryeministri tha se edhe në vitin e kaluar parashikimet kanë qenë të tilla dhe nëse ka nevojë për ribalanc, do të realizohet. "Kjo është punë më se normale, por në buxhetin ende të pa miratuar për vitin e ardhshëm që të planifikohet ribalanc, natyrisht se nuk do të ishte e përshtatshme. Ne si bartës përgjegjës të politikës ekonomike duhet që në të gjitha situatat të përshtatemi, sepse në kohën e sotme, politika ekonomike nuk mund të ndjek modele klasike, por duhet të jetë fleksibile dhe e adaptuar dhe në çdo kohë, varësisht nga rrethanat, që të përshtatet. Ne jemi të gatshëm këtë ta bëjmë, si dhe paraprakisht që e kemi bërë në situata të veçanta", deklaroi Stavreski.