Prej sot në Tetovë hapet Panairi i Librit "Tetova 2011", ku do të marrin pjesë dhjetëra shtëpi botuese nga Shqipëria, Kosova, Maqedonia dhe trevat tjera.

Panairi i librit organizohet për të dhjetën herë në Tetovë dhe tanimë ka marrë karakterin e një manifestimi tradicional kulturor, duke shtuar në këtë mënyrë edhe interesimin e lexuesit shqiptar në këto treva.

Edhe në këtë Panair katëditor pritet të marrin pjesë një numër i konsiderueshëm i botuesve shqiptarë nga Maqedonia, Shqipëria dhe Kosova. Panairi mbahet në ambientet e Qendrës Tregtare "Iliria Center" në Tetovë.