Fondi Monetar Ndërkombëtar ka bërë të ditur, se për shkak të qasjes së kufizuar në tregjet financiare botërore, Kosova i është shmangur çrregullimeve në krizën, e cila ka tronditur eurozonën.

Në kumtesën, e cila është publikuar më 11 nëntor në ueb-sajtin e FMN-së thuhet se Kosova në masë të madhe ka mbetur e paprekur nga turbulenca financiare në zonën e euros, për shkak të integrimit të limituar në tregjet financiare globale. Kriza në eurozonë mund të reflektojë negativisht në dërgimin e remitancave në dërgimin e parave dhe në investime të huaja, thuhet në kumtesën e FMN-së.