Rërë dhe baltë, ujë dhe shkretëtirë, diell dhe kripë. Kontrastet dhe ngjyrat e Detit të Vdekur, ku uji i shumtë dhe super i kripur na shfaqin depresionin më të thellë të tokës. I gjatë 67 km, i thellë 377 metra, ai është 8 herë më i kripur se uji i oqeaneve. Sasia e kripës është në atë pikë sa të pengojë florën dhe faunën të zhvillohet dhe kjo është arsyeja që ai quhet Deti i Vdekur.

I ndodhur midis Izraelit, Jordanisë dhe një pjesë të territoreve palestineze, është një destinacion shumë i çmuar për turistët, sidomos për përmbajtjen minerale të shëndetshme të ujit .

Për bukurinë e tij Deti i Vdekur është një nga 28 kandidatet e fundit për listën e shtatë mrekullive të reja të botës, një votim që zhvillohet në rrjet nga World of New 7 Wonders. Rezultati final do të jepet nesër më 11 nëntor.